1 iyul 2024-cü ildən etibarən Oxu.az mobil tətbiqinin köhnə versiyasına dəstək dayandırılacaq - yenilənmiş versiyanı endirmək üçün Google Play və ya AppStore-a keçməyiniz xahiş olunur.
Böyük Britaniyanın hüquq-mühafizə orqanları 2024-cü ilin mart ayından 2025-ci ilin mart ayına qədər olan dövr ərzində rekord sayda məhbusu səhvən azadlığa buraxıb.
Oxu.Az-ın məlumatına görə, bu barədə "Sun" qəzeti cəzaların icrası xidmətinə istinadən xəbər verir.
Məlumata əsasən, bir il ərzində 262 məhbus səhvən azadlığa buraxılıb ki, bu da il ərzində ən əhəmiyyətli artım olub. Azadlığa çıxanların bir hissəsi bürokratik səhvlər nəticəsində azadlığa buraxılıb, digərləri isə vaxtından əvvəl azadlığa buraxılma proqramına daxil edilib. Bu proqram əvvəllər hakim Leyboristlər Partiyası tərəfindən təşəbbüs edilmişdi.
Açıqlanan məlumatlar müxalifət tərəfindən kəskin tənqidə səbəb olub. Mühafizəkarlar Partiyasından olan parlamentari Alek Şelbruk rəqəmləri narahatedici adlandırıb və 2025-ci ilin sentyabrınadək bu vəzifədə olan keçmiş ədliyyə naziri Şabana Mahmuddan səhvlərə görə məsuliyyət daşımasını tələb edib.
"Bu, sadəcə rəqəm deyil, bu, ictimai təhlükəsizliyimizə ciddi zərbədir. Hökumət təcili tədbir görməlidir", - deyə Şelbruk bəyan edib.
