Publika.az xəbər verir ki, bu, Finlandiyada böyük səs-küyə səbəb olub.
Valtonen BMT Baş Assambleyası çərçivəsində İranın xarici işlər naziri Abbas Əraqçi ilə görüşüb. İranın dövlət televiziyası IRIB bu görüntüləri yayımlayıb. Finlandiya xarici işlər naziri ayaqlarını tam örtməyən standart iş yubkası geyindiyi üçün onun xarici görünüşü qismən qapadılıb.
Verilişin kadrlarından belə görünür ki, İran nümayəndə heyəti ilə görüşən bütün qadınlarla bağlı eyni şey edilib.
Sosial şəbəkələrdə yayılan etirazlardan sonra Elina Valtonen bunun İranda qadınların statusunun acınacaqlı bir nümunəsi olduğunu qeyd edib.
Valtonen "Helsingin Sanomat"a açıqlamasında "Mən kimlə görüşdüyümdən asılı olaraq paltarımı dəyişmirəm. Xüsusilə yanaşmam ondan ibarətdir ki, saçımı və ya üzümü örtməyimi tələb edən görüşlərə qatılmayacağam" deyib.
