Abdullah Zubir “Qarabağ”ın heyətində 70-ci qolunu vurub.
Sportinfo.az PFL-in saytına istinadən xəbər verir ki, fransalı yarımmüdafiəçinin yubileyi Premyer Liqanın VI turuna təsadüf edib.
O, “Qəbələ” ilə ev matçında (2:0) hesabı açıb. Zubir Ağdam klubundakı 70-ci qolunu 322-ci oyununda vurub.
Premyer Liqada 49 dəfə fərqlənən fransalı avrokuboklarda 16, ölkə kubokunda 5 qola sevinib.
Zubir “Qarabağ”da ilk qolunu da “Qəbələ”yə vurub. O, 2018-ci il sentyabrın 23-də keçirilən çempionat matçında (4:1) fərqlənib.
