WhatsApp messencer tətbiqi istifadəçi təcrübəsini yaxşılaşdırmaq məqsədilə yeni funksiyalar istifadəyə verib.
Missiya.Az xəbər verir ki, yeniliklərə əsasən, iOS istifadəçiləri artıq Live Photos, Android istifadəçiləri isə Motion Photos göndərə biləcəklər. Bu xüsusiyyət sayəsində şəkillərə səs və hərəkət əlavə etmək mümkün olacaq.
Bundan əlavə, Meta süni intellekt texnologiyasından istifadə edərək fərdi söhbət mövzuları və video zəng fonları yaratmaq imkanı təqdim edib. Lakin bu funksiyalar hələlik yalnız bəzi istifadəçilər üçün əlçatandır.
Tətbiqə iki yeni stiker paketi də əlavə olunub. Onlar "Qorxmaz Quş" və "Tətil" adlanır.
Əvvəllər yalnız iOS platformasında mövcud olan sənəd skanı funksiyası indi Android istifadəçiləri üçün də aktivləşdirilib. İstifadəçilər sənədləri birbaşa tətbiq vasitəsilə skan edib, kəsib göndərə biləcəklər.
Bu yeniləmələrlə WhatsApp istifadəçilərinə həm vizual paylaşma, həm də fərdiləşdirmədə daha geniş seçimlər təqdim olunub.
Seyranə QuliyevaMissiya.Az
