ABŞ prezidenti Donald Tramp ABŞ-yə taxta və bəzi ağac məmulatlarının idxalına rüsumların tətbiqi barədə göstəriş verib.
Bakıvaxtı.az "USA Today"ə istinadən xəbər verir ki, bu, Ağ Evin dərc etdiyi sənədlərdə yer alıb.
Sənədlərdə ağac idxalına 10% rüsumun tətbiq ediləcəyi göstərilir. Mətbəx mebeli də daxil olmaqla, müəyyən növ mebellərə 25% rüsum tətbiq olunacaq.
Yeni tədbirlər oktyabrın 14-dən qüvvəyə minəcək.
2026-cı il yanvarın 1-dən sonra rüsumların artırılması nəzərdə tutulur.
Qeyd edək ki, Vyetnam, Kanada, Çin və Meksika ABŞ-yə mebel ixrac edən əsas ölkələrdir.
Gülşən Şərif
