"Ya bizi Aİ-yə qəbul edəcəklər, ya da bizim Aİ standartlarına uyğun standartlarımız olacaq"

Ermənistanın baş naziri Nikol Paşinyan bəyan edib ki, onun həyata keçirdiyi islahatlar nəticəsində Ermənistan, Avropa İttifaqına (Aİ) qəbul olunmasa belə Aİ standartlarına uyğun olacaq.

"Operativ Məlumat Mərkəzi-OMM" xəbər verir ki, bununla bağlı xarici KİV məlumat yayıb.

"İslahatlarımız Avropa İttifaqının standartlarına cavab verdikdə qarşımızda iki yol olacaq. Ya bizi Aİ-yə qəbul edəcəklər, ya da bizim Aİ standartlarına uyğun standartlarımız olacaq", – o bildirib.

Qeyd edək ki, Ermənistan parlamenti 26 martda qanunun ikinci və son oxunuşunda ölkənin Avropa İttifaqına daxilolma prosesinə başlamaqla bağlı qanun layihəsini qəbul edib. 

Paşinyan daha əvvəl vurğulamışdı ki, bu addım İrəvanın Aİ-yə avtomatik şəkildə qoşulacağı anlamına gəlmir, çünki bu məsələ referenduma çıxarılmalıdır.