Çinli sosial media fenomeni Tanq Feici canlı yayım zamanı kiçik təyyarəsinin qəzaya uğraması nəticəsində dünyasını dəyişib.
Publika.az xəbər verir ki, bu barədə “New York Post” məlumat yayıb.
55 yaşlı Feici iki mühərrikli yüngül təyyarəsi ilə Çinin Sıçuan əyalətində havaya qalxıb. Lakin qısa müddət sonra idarəetməni itirərək qəzaya uğrayıb və təyyarə yerə düşən kimi alovlanıb.
Fenomenin ölüm anına sosial media hesabında canlı yayımda olan 100 mindən çox izləyici şahid olub.
Məlumata görə, qəzadan əvvəl Feici təqribən 49 min dollara aldığı tək oturacaqlı, 113 kiloqramlıq təyyarəni izləyicilərinə təqdim edib və onun saatda 100 kilometr sürətə və 600 metr hündürlüyə çata bildiyini iddia edib.
