Azərbaycan Milli Elmlər Akademiyasında (AMEA) 2020–2023-cü illərdə baş verən qanun pozuntuları ilə bağlı hərtərəfli araşdırma aparılıb.Heftelik.az Report-a istinadən xəbər verir ki, bu barədə baş prokuror Kamran Əliyev məlumat verib.
Baş prokurorun sözlərinə görə, cinayət işi üzrə bir neçə epizod araşdırılıb:
“Məndə olan məlumata görə, artıq bəzi epizodlarda ibtidai istintaq yekunlaşıb. Cinayət işləri baxılması üçün məhkəməyə göndərilib. Zərurət yaranarsa, əlavə məlumat veriləcək”, – baş prokuror əlavə edib.
Qeyd edək ki, ötən il AMEA-da 2020–2023-cü illərdəki qanun pozuntuları ilə bağlı “xüsusilə külli miqdarda mənimsəmə” faktı üzrə cinayət işi başlanılıb. Həmin illərdə Akademiyanın prezidenti Ramiz Mehdiyev olub.
