Olaylar.az xəbər verir ki, məlumatı ABŞ mətbuatı yayıb.
OMB direktoru Rassell Vout hökumətin fəaliyyətinin dayanmasını "yeni xərclərə 1 trilyon dollar daxil edən ağılsız Demokratların siyasi tələbləri" ilə izah edib. O, federal qurumların rəhbərlərinə yazıb: "Ona görə də təsirə məruz qalan qurumlar indi nizamlı bağlanma planlarını həyata keçirməlidirlər".
Göstərişə əsasən, fəaliyyət dayansa da, işçilər planlaşdırılan dayandırma işlərini yerinə yetirmək üçün növbəti müntəzəm iş günlərində işə hesabat verməlidirlər: "Biz daha bir memorandum verəcəyik ki, prezident təhsisatlar haqqında qanun layihəsini imzalayan kimi hökumətin funksiyaları bərpa olunmalıdır".
Qeyd edək ki, dünən ABŞ Senatı hökuməti müvəqqəti maliyyələşdirmək üçün Demokratlar və Respublikaçıların qanun layihələrini qəbul edə bilməyib. Buna görə də bu gün Bakı vaxtı ilə saat 08.00-dan ABŞ hökumətinin fəaliyyəti minimum səviyyədə davam etdiriləcək.
Senatda tərəflər arasındakı kəskin fikir ayrılıqları fonunda şatdaunun həftələrlə davam edəcəyi gözlənilir.
