AFFA İntizam Komitəsi "Sabah" klubunu 11 700 manat cərimələyib.
Publika.az xəbər verir ki, buna Azərbaycan Premyer Liqasının 6-cı tur çərçivəsində baş tutan "Sumqayıt"la matçda yaşananlar səbəb olub.
Oyununun gedişində işıq söndüyünə görə qarşılaşma 20 dəqiqə gecikdiyi üçün "Sabah" 1000 manat cərimə olunub.
Bakı klubu dörd futbolçusu sarı vərəqə aldığından əlavə 700 manat ödəməli olacaq.
90+4-cü dəqiqədə "Sabah"ın məşqçisi Castinas Qasiunas hakimi təhqir etdiyinə görə birbaşa qırmızı vərəqə aldığı üçün 4 oyun cəzalanıb, klub 10 000 manat ziyana düşüb.
İntizam Komitəsi eyni zamanda "Kəpəz" klubunu 5000 manat cərimələyib. Buna Premyer Liqanın 6-cı turunun "Turan Tovuz"la oyununda azarkeşlərin rəqibin ünvanına kütləvi şəkildə təhqiramiz ifadələr səsləndirməsi səbəb olub.
