ain.az, Fanat portalına istinadən məlumat verir.
UEFA Çempionlar Liqasında Liqa mərhələsinin ilk turunun görüşlərindən sonra ölkələrin reytinqini yenilənib.
Fanat.Az-ın məlumatına görə, Azərbaycan çempionu "Qarabağ" ötən gecə "Kopenhagen" üzərində inamlı qalibiyyət (2:0) əldə edərək növbəti dəfə ölkəmizin xal ehtiyatını artırıb.
Qurban Qurbanovun baş məşqçisi olduğu komanda uğurlu nəticə sayəsində ölkəmizə 0,500 əmsal qazandırıb. Nəticədə Azərbaycanın cari mövsümkü reytinqi 4,875-ə, son 5 ildəki göstəricisi isə 22.000-yə çatıb.
Bununla belə, Azərbaycanın UEFA reytinqindəki mövqeyi dəyişməz qalıb. Ölkəmiz sıralamada 25-ci yerdə qərarlaşıb. Bir addım öndəki Serbiyanın 22.375, təqibçimiz Slovakiyanın isə 21.375 əmsalı var.
Qeyd edək ki, UEFA reytinqinə 97.116 əmsalla İngiltərə liderlik edir.
Abunə Ol
Daha ətraflı məlumat və yeniliklər üçün ain.az saytını izləyin.
