Banco.az saytından əldə olunan məlumata görə, ain.az məlumat yayır.
Müəllif:Mehin Qasımova,Banco.az
Beynəlxalq kredit reytinq agentliyi "Fitch Ratings" bildirdi ki, ABŞ-da federal hökumətin bağlanması ölkənin kredit reytinqinə qısamüddətli təsir göstərməyəcək.
Banco.az xəbər verir ki, digər kredit reytinq agentliyi "S&P" Global də hökumətin bağlanmasının ABŞ-da ümumi daxili məhsulun (ÜDM) artımına cüzi zərbə vuracağını və iqtisadi qeyri-müəyyənliyi artıracağını bildirib.
Fitch-in verdiyi açıqlamada, bağlanmanın müvafiq federal qurumların fəaliyyətini dayandırmasına və işçilərini ödənişsiz məzuniyyətə göndərməsinə səbəb ola biləcəyi, lakin bu müddət üçün maaşların müvafiq təxsisatlar təsdiqləndikdən sonra işçilərə ödəniləcəyi xatırladılıb.
Bəyanatda ABŞ Konqresinin yeni maliyyə ili başlamazdan əvvəl sonuncu dəfə 12 təxsisat qanun layihəsinin hamısını 1996-cı ildə qəbul edə bildiyi, sonuncu bağlanmanın isə 2018-2019-cu illərdə baş verdiyi qeyd edilib.
Bəyanatda qeyd olunub ki, hökumətin işini davam etdirmək üçün müvəqqəti büdcələrdən müntəzəm istifadə 2023-cü ildə ABŞ-ın kredit reytinqinin “AAA” səviyyəsindən endirilməsindən sonra fiskal siyasətdə davam edən zəiflikləri nümayiş etdirir.
ABŞ-ın "AA+" kredit reytinqi və "stabil" proqnozunun avqust ayında təsdiqləndiyi xatırladan bəyanatda hökumətin fəaliyyətini dayandırmasının ölkənin reytinqinə qısamüddətli təsir göstərməyəcəyi bildirilib.
""Fitch" ABŞ-ın tənzimləyici mühiti, qanunun aliliyi və institusional nəzarət və tarazlıqlarla bağlı inkişafı qiymətləndirməyə davam edəcək. ABŞ siyasəti ilə bağlı artan qeyri-müəyyənliyə və institusional nəzarət və tarazlığın potensial zəifləməsinə baxmayaraq, biz ABŞ dollarının yaxın gələcəkdə dominant ehtiyat valyutası statusunu qoruyacağını gözləyirik", - deyə məlumatda qeyd olunub.
ABŞ iqtisadiyyatının bu il və gələn il 1,6 faiz, 2027-ci ildə isə 2,1 faiz böyüməsi proqnozlaşdırıldığı qeyd edilən açıqlamada, hökumətin bağlanması potensialının iqtisadi böyüməyə mənfi təsir göstərməsinin dayandırmanın müddəti və əhatə dairəsindən asılı olacağı vurğulanıb.
Ən son xəbərləri və yenilikləri almaq üçün ain.az saytını izləyin.
