Moskvanın Tverskoy məhkəməsi milyarder Denis Ştenqelov və onun atası Nikolay Ştenqelovu ekstremist təşkilat hesab edib və onların aktivlərini, dəyəri 497 milyard rubl, dövlətə yönəltmək qərarı verib.
Hurriyyet.az bildirir ki, bu barədə RBC xəbər yayıb.
Prokurorluq Ştenqelovların “Konditerus Kom” şirkətinin 100% səhmlərinin dövlət hesabına keçirilməsini tələb edib. Məhkəmə iddiasında bildirilir ki, Nikolay Ştenqelov 2014-cü ildən etibarən Ukrayna hərbçilərinə dəstək verib və “Ukrayna hakimiyyətinin radikal siyasətini bölüşüb”, Denis Ştenqelov isə atasının siyasi baxışlarını dəstəkləyərək xüsusi hərbi əməliyyat başladıqdan sonra Ukrayna silahlı qüvvələrinə ərzaq və digər mallar təmin edib.
“Forbes” jurnalının məlumatına görə, Denis Ştenqelovun sərvəti 1,4 milyard dollar qiymətləndirilir. Qeyd olunur ki, 2024-cü il üzrə o, ilk dəfə Rusiya üzrə ən böyük fiziki şəxslərdən vergi ödəyiciləri siyahısına daxil olub. Ştenqelov 2008-ci ildən bəri Avstraliyada yaşayır.
Nikolay Ştenqelov isə 2016-2018-ci illərdə Ukraynanın Zaporojye vilayətinin Primorski rayonunda Aqrar Partiya üzrə deputat olub.
Məhkəmə qərarının həm Rusiyada, həm də beynəlxalq biznes dairələrində geniş rezonans doğurduğu vurğulanır.
