Azərbaycan medal sıralamasında gerilədi - 3-cü MDB Oyunları

Azərbaycanın 3-cü MDB Oyunlarının medal sıralamasındakı mövqeyi dəyişib.

"Football-plus.az" xəbər verir ki, aktivində 13 qızıl, 27 gümüş və 43 bürünc medal olan komanda ikinci sıradan üçüncü pilləyə geriləyib. Hesabında 15 qızıl, 20 gümüş, 28 bürünc medal olan Belarus ikinci pilləyə yüksəlib. Medal sıralamasına Rusiya (73 qızıl, 27 gümüş, 16 bürünc medal) başçılıq edir.

İndiyə qədər 8 ölkə təmsilçiləri medal qazanıblar.

Xatırladaq ki, 3-cü MDB Oyunları oktyabrın 8-də başa çatacaq.