Azpolitika.az saytından verilən məlumata görə, ain.az xəbər verir.
Oktyabrın 4-nə keçən gecə Ukrayna Müdafiə Qüvvələri işğalçı ölkədə bir neçə mühüm hədəfə, o cümlədən Rusiyanın ən böyük neft emalı zavodlarından birinə və raket gəmisinə zərbələr endirib. Bu barədə Ukrayna Silahlı Qüvvələrinin Baş Qərargahının bəyanatında deyilir.
"Oneqa gölü (Kareliya Respublikası, Rusiya) yaxınlığında kiçik raket gəmisi "Buyan-M" zədələnib. Zərərin miqyası müəyyənləşdirilir", - məlumatda deyilir.
Kirişi Neft Emalı Zavodu da (Kirişi, Leninqrad vilayəti) zədələnib, orada partlayışlar və yanğın baş verib.
İllik gücü ildə 18,4 milyon ton neft emalı olan bu NEZ təcavüzkar ölkədə ən böyük zavodlardan biridir.
Müdafiə Qüvvələri, həmçinin Kursk vilayətində “Qarmon” radar sistemini və “İsgəndər” taktiki raket kompleksinin nəqliyyat-yükləyici maşınını məhv edib.
"Düşmən silahlı qüvvələrinin Donetsk vilayətinin müvəqqəti işğal olunmuş ərazisindəki 8-ci ordusunun komanda məntəqəsinə də zərbə endirilib. Hədəf vurulub. Nəticələr dəqiqləşdirilir", - deyə Baş Qərargah məlumat yayıb.
“AzPolitika”
Daha ətraflı məlumat və yeniliklər üçün ain.az saytını izləyin.
