Vuçiç bildirib ki, dövlət çevrilişinə hazırlıq olub, lakin hökumət və təhlükəsizlik qüvvələrinin çevik addımları sayəsində bu planın qarşısı alınıb.
"Qan tökülməsinin və xaosun qarşısını almaq üçün qətiyyətlə hərəkət etmək vacib idi," - deyə prezident vurğulayıb.
Onun sözlərinə görə, müxalif qüvvələr "rəngli inqilab" xarakterli etirazlar təşkil edərək vətəndaşları radikal addımlara sövq etməyə çalışıblar. Vuçiç xalqın hökumətə dəstəyinə görə təşəkkür edib və qeyd edib ki, cəmiyyətin birliyi sayəsində ölkə sabitliyini qoruyub.
Prezident həmçinin Novi-Saddakı dəmiryolu vağzalında beton səthinin çökməsi nəticəsində baş verən faciəyə toxunaraq, hökumətin zərərçəkən ailələrə dəstək göstərdiyini bildirib.
Vuçiç vurğulayıb ki, Serbiya 5 oktyabr hadisələrindən sonra sosial və iqtisadi çağırışlarla üzləşib, lakin əsas məqsəd sabitliyi qorumaq və "proqramı olmayan oppozisiya qüvvələrinin" təsirinə uymamaqdır.
