2025-ci il Tibb üzrə Nobel Mükafatını immunitet sisteminin öz toxumalarına hücumunun qarşısını alan mexanizmləri kəşf edən Meri Brunkow, Fred Ramsdell və Shimon Sakaguchi qazandı. Nobel mükafatı laureatı alim Fred Ramsdell dağlarda olduğu üçün "rəqəmsal detoks" keçirtdiyi üçün onun əlçatmaz olduğu bildirilir.
2025-ci ildə Tibb üzrə Nobel Mükafatını qazanan alimlərdən Fred Ramsdell, Aydaho ştatının texnologiyadan azad dağlıq bölgəsində gəzintiyə çıxdığı üçün qalibiyyətindən xəbərsiz olduğu ortaya çıxıb. “The Guardian” yazır ki, Nobel Komitəsi hələ də Ramsdelllə əlaqə saxlaya və ona mükafat barədə məlumat verə bilməyib.
Tibb üzrə bu ilki Nobel mükafatı verildi
Ramsdell, Sietldən Meri Brunkow və Yaponiyanın Osaka Universitetindən Şimon Sakaquçi ilə birlikdə immunitet sistemi ilə bağlı əhəmiyyətli kəşflərinə görə bu il Tibb üzrə Nobel Mükafatına layiq görüldü.
Lakin Ramsdell-in hazırda telefonsuz olması və rəqəmsal rabitənin olmaması Nobel Komitəsinin onunla əlaqə saxlamasına mane olub. Ramsdell-in yaxın dostu və işlədiyi laboratoriyanın həmtəsisçisi Jeffrey Bluestone da ona çata bilmədiyini ifadə edərək, "Məncə, o, Aydaho səhrasında bel çantasında gəzir" dedi.
Nobel Komitəsi saat fərqinə görə Meri Brunkova çatmaqda çətinlik çəkib.
Nobel Komitəsi də saat fərqinə görə Sietldə yaşayan Meri Brunkovla əlaqə saxlamaqda çətinlik çəkib. Stokholm ilə ABŞ-ın Qərb Sahilləri arasında doqquz saat vaxt fərqi var.
Nobel Komitəsi 2020-ci il İqtisadiyyat Mükafatı laureatları Bob Wilson və Paul Milqromla oxşar vəziyyəti yaşadı. Gecənin ortasında telefon zəng çalanda Wilson telefonu bağladı və Milqromla ancaq qonşusunun qapısını döyməklə çatmaq mümkün oldu.
