ain.az bildirir, Yeniavaz saytına əsaslanaraq.
Siqaret, qəlyan və çeynəmə tütünü də daxil olmaqla tütün istifadəçilərinin sayı 2000-2024-cü illər arasında azalıb, lakin dünyada hər beş yetkin insandan biri hələ də tütün asılılığından əziyyət çəkir.
Yeniavaz.com xəbər verir ki, bu barədə Ümumdünya Səhiyyə Təşkilatı (ÜST) məlumat yayıb.
Təşkilatın 2000-ci ildən 2024-cü ilə qədər tütündən istifadə tendensiyalarına dair yeni hesabatı haqqında press-relizdə deyilir:
“Tütün istifadəçilərinin sayı 2000-ci ildəki 1,38 milyarddan 2024-cü ildə 1,2 milyarda qədər azalıb”.
Təşkilat 2010-cu ildən bəri tütündən istifadə edənlərin sayının 27% nisbi azalma ilə 120 milyon nəfər azaldığını qeyd edib. Hesabat dünya əhalisinin 97%-ni əhatə edən 2000-dən çox milli sorğunun nəticələrinə əsaslanır. Hesabat ÜST-nin 2025-ci ilə qədər qlobal tütün istehlakının 30% nisbi azaldılması hədəfinə doğru irəliləyişi izləmək üçün tərtib edilmişdir. Təşkilatın məlumatına görə, cari irəliləyiş 27% təşkil edir ki, bu da hədəfdən 50 milyon istehlakçıya azdır.
Ən son xəbərləri və yenilikləri almaq üçün ain.az saytını izləyin.
