Beynəlxalq Futbol Assosiasiyaları Federasiyası (FİFA) 2034-cü ildə Səudiyyə Ərəbistanında keçiriləcək dünya çempionatının 2035-ci ilin yanvarına təxirə salınması imkanlarını araşdırır.
Bakıvaxtı.az xəbər verir ki, ilkin olaraq turnir 2034-cü ilin noyabr-dekabr ayları üçün nəzərdə tutulmuşdu, lakin bu tarixlər Ramazan ayına təsadüf etdiyindən, dini səbəblərdən bu müddət ərzində yarışın keçirilməsi qeyri-mümkündür. FİFA prezidenti Canni İnfantino təşkilatın gələcək turnirin təqvimi ilə bağlı müzakirələrə başladığını təsdiqləyib.
"Təqvimi optimallaşdırmağın yolları ola bilər; biz bunu müzakirə edirik. Sadəcə, açıq fikirli olmalıyıq", - İnfantino deyib.
Səudiyyə Ərəbistanının iqlimi də dünya çempionatı üçün tarix seçiminə təsir göstərir. Yay ayları 52°C-yə (122°F) çatan həddindən artıq temperatur səbəbindən çempionatın yayada keçirilməsi istisna olunur.
Turnirin tarixləri ilə bağlı yekun qərar Səudiyyə Ərəbistanı tərəfi ilə məsləhətləşmələrdən və bütün futbol qurumlarının maraqları nəzərə alındıqdan sonra veriləcək.
