News24 saytından verilən məlumata əsasən, ain.az məlumatı açıqlayır.
Amerika Birləşmiş Ştatlarının Kaliforniya ştatında yerləşən və dünyanın ən böyük günəş enerjisi stansiyalarından biri sayılan İvanpah Günəş Enerji Stansiyası 2026-cı ildə fəaliyyətini dayandıracaq.
News24.az xəbər verir ki, 2,2 milyard dollar dəyərində olan bu stansiya 2014-cü ildə istifadəyə verilib və üç 140 metrlik qülləsi ilə diqqət çəkib. Burada cəmlənmiş günəş enerjisi texnologiyası tətbiq olunur. 173 min 500 güzgü günəş şüalarını qüllələrin yuxarısındakı alıcılara yönəldir.
392 meqavat gücündə olan bu obyekt açıldığı dövrdə dünyanın ən böyük günəş enerjisi stansiyası hesab edilirdi. Lakin son illərdə günəş panelləri ilə işləyən sistemlərin ucuzlaşması, bu texnologiyanı iqtisadi baxımdan səmərəsiz hala gətirib.
Əsas müştəri olan PG&E enerji şirkəti, əvvəlcə 2039-cu ilə qədər qüvvədə qalmalı olan enerji alım müqaviləsini 2025-ci ildə bitirəcəyini açıqlayıb.
Stansiya təkcə maliyyə səbəblərinə görə deyil, həm də hər il təxminən 6 min quşun yüksək istilikdən tələf olması və güzgülərdən əks olunan işığın sürücüləri narahat etməsi səbəbindən də mübahisələr doğurub.
Stansiyanın sahibi olan NRG Energy şirkəti isə bağlandıqdan sonra bu ərazinin günəş panelli sistemlərlə yenidən qurulması ehtimalını nəzərdən keçirdiyini bildirib.
Xeyrənsə Piriyeva
Daha ətraflı məlumat və yeniliklər üçün ain.az saytını izləyin.
