ain.az bildirir, Azpolitika.az portalına istinadən.
Avtomobil zavodlarında satışların çökməsindən və ixtisarlara gedilməsindən sonra Rusiyanın ən böyük vaqon istehsalçısı və orduya tankların əsas tədarükçüsü olan Uralvaqonzavod (UVZ) da dörd günlük iş həftəsinə keçir.
“AzPolitika” xəbər verir ki, Rusiya mediasının yazdığına görə, qısaldılmış iş qrafiki UVZ-nin mülki seqmentinə təsir edəcək. UVZ bunun səbəbinin vaqonlara tələbatın azalması olduğunu qeyd edərək, işçilərin başqa sexlərə köçürüləcəyini bildirib.
Zavodun əsas müştərisi olan Rusiya Dəmir Yolları maliyyə vəziyyətinin kəskin pisləşməsi və son 14 ildə yükdaşımaların kəskin azalması səbəbindən vaqon və lokomotiv büdcəsini azaldıb. Holdinqin ilkin olaraq 1,3 trilyon rubl olan investisiya proqramı 850 milyarda endirilib.
700 min işçisi ilə ən böyük işəgötürən olan Rusiya Dəmir Yollarının özü də qısaldılmış iş qrafiki tətbiq edib. Şirkət mərkəzi ofis işçilərindən öz vəsaitləri hesabına ayda üç əlavə istirahət günü götürməyi tələb edir.
Kredit faizlərinin kəskin artması Rusiya Dəmir Yolları üçün başağrısına çevrilərək şirkəti bu il gəlirlərinin demək olar ki, dörddə birini, yəni 688 milyard rublu faiz ödənişlərinə və kreditlərin ödənilməsinə xərcləməyə məcbur edib.Bu da əvvəlki ilə nisbətən altı dəfə çoxdur.
Bundan əvvəl Rusiyanın ən böyük sement istehsalçısı olan Cemros, Qorki Avtomobil Zavodu (QAZ), Kamaz və AvtoVAZ da dörd günlük iş həftəsinə keçib. Məcburi ixtisarlar ölkənin aparıcı almaz mədənçisi Alrosa, həmçinin Mechel və demək olar ki, bütün metallurgiya zavodları tərəfindən də həyata keçirilib.
“AzPolitika.info”
Sonrakı hadisələr barədə daha çox məlumat almaq üçün ain.az saytını izləyin.
