Bakı, 13 oktyabr, AZƏRTAC
ABŞ-ın “İnter Mayami” klubunun və Uruqvay millisinin futbolçusu Luis Suares karyerasında 600-cü qolu vurub.
AZƏRTAC xəbər verir ki, 38 yaşlı hücumçunun yubiley qolu MLS-də “Atlanta Yunayted”lə görüşə (4:0) təsadüf edib. O, qarşılaşmanın 61-ci dəqiqəsində adını tabloya yazdırıb.
Forvard bunu bacaran dördüncü Cənubi amerikalı futbolçu olub. Ondan əvvəl bu uğura yalnız Pele, Romario və hazırda komanda yoldaşı olan Lionel Messi imza atıblar.
