"Bakuinfo" 15 oktyabr, 2025-ci il tarixi üçün ulduz falını təqdim edir:Qoç Günün əvvəlində ətrafınızdakı insanlarla mübahisələrə girməyin. Hər zaman haqlı olmayacaqsınız və emosional davranışınız münasibətləri poza bilər. Öz işlərinizə diqqət yönəldin, rutin tapşırıqlarla məşğul olun, sənədlərinizi qaydaya salın. Düşünülməmiş alış-verişlər üçün əlverişsiz gündür — planlaşdırdığınızdan artıq xərcləyə bilərsiniz. Zaman keçdikcə sakitləşəcək və pozitiv ruh halına köklənə biləcəksiniz. Günün ikinci yarısında əksər Qoçlar planlaşdırdıqları işlərin öhdəsindən uğurla gələcəklər, vacib məsələləri həll edib, əvvəl gərginlik yaşadıqları insanlarla münasibətləri düzəldə biləcəklər. Buğa Başladığınız işləri yarımçıq qoymayın — nə qədər çətin olsa da, sona çatdırın. Qeyri-adi tapşırıqlara başlamazdan əvvəl yaxşı düşünün, lazımi məlumat toplayın, təcrübəli həmkarlarınızla məsləhətləşin. Ən vacibi — tələsməyin, onda səhvlərdən qaça biləcəksiniz. Axşam saatları iş məsələləri üçün çox da əlverişli olmayacaq, ona görə vacib işləri təxirə salmayın. Əvəzində köhnə dostlarla ünsiyyət sizə sevinc gətirəcək. Son vaxtlar fikir ayrılıqları olsa belə, bu gün asanlıqla anlaşa biləcəksiniz. Əkizlər Səhər əhvalınız o qədər də yaxşı olmayacaq. Vacib insanlarla ünsiyyətdə kiçik çətinliklər mümkündür. Bacardıqca rəhbərliyin gözünə görünməməyə çalışın. Ailəli Əkizlər eyni anda həm ev, həm də iş problemlərini həll etməli olacaqlar. Amma bu çətinliklər müvəqqətidir, hər şey tezliklə qaydasına düşəcək. Günün ortalarına yaxın özünüzdə güc artımı hiss edəcəksiniz. Bir çox mürəkkəb məsələni həll etmək mümkün olacaq. Ünsiyyətdə səmimi və açıq olacaqsınız — bu, hər kəsin xoşuna gəlməsə də, istədiyiniz nəticəni verəcək. Sevdiyiniz insanın dəstəyi isə çox yerinə düşəcək. Xərçəng Bu gündən çox şey gözləməyin. İş əhvalına köklənmək çətin olacaq. Özünüzə güzəştə getmək, məsuliyyəti bir az arxa plana atmaq istəyəcəksiniz. Buna görə də işgüzar münasibətlərdə hər şey istədiyiniz kimi getməyə bilər. Yeni layihələrə başlamayın, daha çox gündəlik işlərlə məşğul olun və özünüzü yükləməyin. Maliyyə məsələlərində diqqətli olun — düşünülməmiş alış-verişlər peşmanlıq gətirə bilər. Şəxsi münasibətlərdə səbirli olmağa çalışın. Yaxınlarla kiçik mübahisələr mümkündür, amma onlar ciddi problemə çevrilməyəcək, sadəcə əhvalınızı bir az poza bilər. Şir Bu gün ən cəsarətli planlar qurmaq üçün münasib zamandır. Siz mürəkkəb məsələlərin həllinə fərqli yanaşma tapa biləcəksiniz. Yeni bacarıqlar öyrənmək və ixtisasınızı artırmaq üçün də əlverişli gündür. İş çox olacaq, amma siz hər şeyin öhdəsindən gələcəksiniz. Günün ikinci yarısında əksər Şirlər başqalarının gözündə daha cəlbedici görünəcəklər. Faydalı tanışlıqlar mümkündür. Bəzi iş münasibətləri romantik əlaqəyə çevrilə bilər. Qız Səhər saatları məsuliyyətli işlər üçün uyğun deyil. Ruh halınız bir qədər yüngül və laqeyd ola bilər. Tələsik və düşünülməmiş vədlər verməyin — onları yerinə yetirmək çətin ola bilər. Günün ortalarına doğru fikirlərinizi toplayacaq və vəziyyəti düzgün qiymətləndirə biləcəksiniz. Bax, o zaman ciddi işlərə başlamaq olar. Bir çox Qızlar uğurlu sövdələşmələr bağlayacaq və yeni faydalı əlaqələr quracaqlar. Yaxınlarınız sizin işlərinizə qarışmağa cəhd göstərə bilərlər. Onların enerjisini düzgün istiqamətə yönəldin — hansı sahədə sizə dəstək lazım olduğunu açıq deyin. Beləliklə, həm onlar özlərini faydalı hiss edəcəklər, həm də siz mübahisələrdən yayınacaqsınız. Tərəzi Günün birinci yarısını sakit və sizə tanış işlərə həsr etmək daha yaxşıdır. Diqqəti toplamaq və prioritetləri düzgün müəyyənləşdirmək çətin olacaq. Əhəmiyyətsiz detallara aludə olub vəziyyəti düzgün qiymətləndirməmək riski var. Buna görə də bitməmiş işləri tamamlamaq, daha ciddi məsələləri isə sonraya saxlamaq məsləhətdir. Tezliklə əvvəllər buraxdığınız bəzi səhvləri düzəltmək imkanı yaranacaq. Özünüzdən çox şey tələb etməyin və tələsməyin — onda hər şeyə çatacaqsınız. Ailəli Tərəzilərə axşamı yaxınları ilə keçirmək xeyir verəcək. Əqrəb Günün birinci yarısında ehtiyatlı olun. Tələsik qərarlar səhvlərə gətirib çıxara bilər. Hər detalı tam anlamadan addım atmaq riski var, buna görə də şübhəniz varsa, təcrübəli insanlarla məsləhətləşin. İşgüzar ünsiyyət üçün uğurlu gündür. Kütləvi tədbirlərdə iştirak sizə həm fayda, həm də zövq gətirəcək. Bir çox Əqrəblər ətrafındakı insanlarda güclü rəğbət oyadacaq və məqsədlərinə asanlıqla çatacaqlar. Bəzi iş münasibətləri romantik istiqamətə keçə bilər. Oxatan Bu gün məhsuldar, amma bir az qarışıq olacaq. İş və ailə ilə bağlı bir çox vacib məsələləri müzakirə etməli olacaqsınız. Bəzi Oxatanlar üçün önəmli bir xəbər almaq mümkündür. Etibar etdiyiniz, təcrübəli insanların məsləhətlərinə qulaq asmaq faydalı olacaq. Fikirləriniz uğurlu olacaq və həmkarlar, həm də rəhbərlik tərəfindən yüksək qiymətləndiriləcək. Boş söhbətlərə vaxt itirməməyə çalışın, onda bütün planlaşdırdıqlarınızı həyata keçirə biləcəksiniz. Axşam qeyri-rəsmi şəraitdə peşəkar məsələləri müzakirə etmək üçün münasib zamandır. Həmçinin ortaq maraqlarınız olan dostlarla görüşmək də xeyirli olacaq. Oğlaq Özünüzü ələ alın — səhər emosiyalarınızı idarə etmək çətin olacaq. İmpulsiv davranış bir çox məsələlərin həllinə mane ola bilər. Tələsməyin, sakitləşmək üçün özünüzə vaxt verin, sonra planlaşdırdığınız işlərə keçin. Pozitiv əhval-ruhiyyədə olan Oğlaqlar vacib tapşırıqları uğurla həll edə biləcəklər. Bağlanmış müqavilələr gəlir gətirəcək, imzalanan sənədlər uğurlu olacaq. Yeni bilikləri mənimsəmək asan olacaq və bu, gələcəkdə peşəkar dəyərinizi artıracaq. Dolça Bu gün nə işə başlasanız, yaxşı nəticə əldə edəcəksiniz. Özünüzü ən yaxşı tərəfdən göstərəcək fürsətlər yaranacaq və siz onlardan bacarıqla yararlanacaqsınız. Nüfuzunuz artacaq, tərəfdaşlarla sərfəli razılaşmalar əldə etmək mümkün olacaq. Müzakirələrdə üstünlük sizdə olacaq. Danışıqlar və ictimai çıxışlar da uğurla keçəcək. Günün sonuna doğru bəzi Dolçalar həddindən artıq həssas ola bilərlər. Bu vaxt vacib qərarlar qəbul etməmək məsləhətdir. Axşamı sakit atmosferdə keçirin, istirahət edin və gücünüzü bərpa edin. Balıqlar Bu gün cəlbediciliyiniz daha da artacaq və bu, istədiyiniz nəticələrə daha tez çatmağınıza kömək edəcək. Ətrafınızdakılar sizə məmnuniyyətlə dəstək verəcəklər, yetər ki, çox təkidli və aqressiv olmayasınız. Müxtəlif insanlarla əlaqələri gücləndirmək və etibarlı tərəfdaşlar qazanmaq üçün yaxşı gündür. Maliyyə məsələlərinə xüsusi diqqət göstərin — həm gözlənilməz gəlirlər, həm də ani xərclər mümkündür. Axşam işgüzar fəallığı bir qədər azaltmaq, dincəlmək, ailə üzvlərinə və ya yaxın dostlara vaxt ayırmaq məsləhətdir. (Bizimyol.info)
