Bakıda idman zalında faciəvi hadisə baş verib.
Hadisə dünən axşam saat 20 radələrində Nəsirəddin Tusi küçəsində yerləşən idman zalında qeydə alınıb.
Bakı şəhər sakini, 1990-cı il təvəllüdlü Tural Yaşar oğlu Tapdıqzadə zalda insult keçirib. O, xəstəxanaya aparılarkən yolda vəfat edib.
“Yenisabah”ın məlumatına görə, iş adamı olan T.Tapdıqzadə əslən Laçın rayonundandır. Mərhum 4 uşaq atası imiş.
Faktla bağlı araşdırma aparılır.
Qeyd edək ki, sentyabrın 29-u Əməkdar artist Cabir İmanov idman zalında qəfil vəfat etmişdi.
