İspaniya La Liqasının 9-cu turunda "Jirona" üzərində qələbə qazanan (2:1) "Barselona"nın yarımmüdafiəçisi Pedri komandasını tənqid edib.
Fanat.Az xəbər verir ki, onun sözlərini "Yahoo Sports" belə çatdırıb:
"Komandanın oyunundan narazıyam. Biz çox şeyləri, xüsusilə pressinqi yaxşılaşdırmalıyıq. Yaxşı oynamadıq. Artıq ikinci oyundur ki, gözlənilənləri verə bilmirik. Eləcə də topla oyunumuz arzulanan səviyyədə deyil. Tempi yüksəltmək və daha çox qol vəziyyəti yarada bilmək üçün bu, olduqca vacib məqamdır. Düşünürəm ki, potensialımız daha artığına imkan verir. Həftə ərzində vəziyyəti məşqçimizlə təhlil etməli və növbəti matça qədər oyun səviyyəmizi yüksəltməliyik.
Pis pressinq edirsənsə, yüksək müdafiəyə üstünlük verirsənsə, rəqiblər çox asanlıqla qol vəziyyətləri yaradırlar. Pressinq etmirsənsə, müdafiənin arxasına göndərilən topu ələ keçirən rəqib qapıçınla üzbəüz qalır. Söylədiyim kimi, topla da ötən mövsümdəki qədər yaxşı hərəkət edə bilmirik. Yaxşı olan yalnız budur ki, "artırmaq" üçün potensialımız var və son matçda 3 xal qazanmışıq".
Nihat
