Serbiyanın Novi Sad şəhərində U23 dünya çempionatı davam edir.
Apasport.az xəbər verir ki, bu gün yunan-Roma güləşi üzrə ilk medalçılar müəyyənləşib.
Ziya Babaşov (63 kq) finalda moldovalı Vitali Yeryomenkoyla qarşılaşıb. Güləşçimizin ötən il keçirilən analoji yarışda bu çəkidə dünya çempionu, həmçinin bu il böyüklər arasında dünya və Avropa üçüncüsü olmuş rəqibiylə görüşün ilk hissəsində işlətdiyi 4 xallıq fənd mübarizədə həlledici rol oynayıb. 6:3 hesablı qələbə qazanan Ziya bu yarışda medal hesabımızı açıb. Babaşov karyerasında ilk dəfə dünya çempionu olub.
Laçın Vəliyev (87 kq) ilk təsəlliverici görüşdə özbəkistanlı Muradcan Alimcanova 7:5 hesabıyla qalib gəlib. Həmyerlimiz ikinci təsəlliverici görüşdə isə italiyalı Leon Rivaltanı ilk xal prinsipinə əsasən (1:1) üstələyib. Vəliyev bürünc medal uğrunda qarşılaşmada amerikalı Payton Yakobsona 3:5 hesabıyla məğlub olaraq, mundialı 5-ci pillədə başa vurub.
Müxtəlif şəhər və rayonların güləş zallarına baxış keçirilib
Güləşçilərimiz MDB Oyunlarını 20 medalla başa vurublar
III MDB Oyunları: Yunan-Roma güləşçilərimizdən üç qızıl medal
III MDB Oyunları: Güləşçilərimiz daha 7 medal qazanıb
III MDB Oyunları: Sərbəst güləşçilərimiz 7 medal qazanıblar - FOTO
