Olaylar.az xəbər verir ki, "The Jerusalem Post"-un məlumatına görə, hesabat Knesset İmmiqrasiya, Absorbsiya və Diaspora Komitəsinə təqdim edilib.
Komitə sədri Qilad Kariv (Demokratlar) bildirib ki, bu, sadəcə "emosiya dalğası deyil, ölkəni tərk etmək qərarına gələn israillilərin sunamisidir."
Hesabatda qeyd olunur ki, 2022-ci ilin əvvəlindən bəri israillilərin miqrasiya balansı təxminən 125 200 nəfər azalıb. Bu rəqəm, uzun müddətə ölkəyə qayıdanlardan uzun müddətə ölkədən gedənlərin çıxarılması ilə hesablanıb.
RIC-dən Dr. Ayala Eliyaqu bildirib ki, 2022-ci ildən etibarən uzun müddətə xaricə getmək qərarına gələn israillilərin sayında aydın artım, qayıdanların sayında isə azalma müşahidə olunur.
Hesabata görə, 2022-ci ildə emiqrasiya səbəbindən İsrail əhalisi 29 700 nəfər, 2023-cü ildə 58 600 nəfər, 2024-cü ilin avqust ayına qədər isə 36 900 nəfər azalıb.
Kariv hökuməti bu "ciddi tendensiyanı tanımaq" və onu dayandırmaq üçün hərtərəfli plan hazırlamağa çağırıb.
