İsveçin Baş naziri Ulf Kristersson bəyan edib ki, Stokholm Ukraynaya 100–150 ədəd "JAS 39 Gripen E" tipli çoxməqsədli qırıcı təyyarə satmağı planlaşdırır.
APA xəbər verir ki, bu barədə TV4 telekanalı məlumat yayıb.
Kristerssonun sözlərinə görə, hazırkı istehsal imkanlarını nəzərə alaraq, ilk təyyarə tədarükləri təxminən üç ildən sonra başlaya bilər, lakin razılaşma hələ yekunlaşdırılmayıb.
“Nəzəri cəhətdən tədarüklərə üç ildən sonra başlaya bilərik. Əlbəttə, 150 təyyarə dərhal verilmir, bu uzunmüddətli prosesdir”, – deyə İsveç hökumət başçısı qeyd edib.
