Misli Premyer Liqasının 9-cu turunda "Sumqayıt"ı qəbul edəcək "Zirə" oyuna itkilərlə çıxacaq.
Bunu Fanat.Az-a açıqlamasında "qartallar"ın sözçüsü Elmar Abdullazadə deyib:
"Cəzalı oyunçu yoxdur. Uzun müddətə sıradan çıxan Abdul Aziz Batibiyenin olmayacağı öncədən bəllidirsə, İssa Cibrila və Davit Volkov zədə səbəbindən "Sumqayıt"a qarşı oynamayacaqlar. Ceyhun Nuriyevlə İsmayıl İbrahimlinin də durumu qeyri-müəyyəndir. Onların meydana çıxıb-çıxmayacaqları oyun saatına qədər bəlli olacaq".
Qeyd edək ki, "Zirə" - "Sumqayıt" qarşılaşması sabah keçiriləcək. Matçın start fiti 18:30-da səsləndiriləcək.
Nihat
