BAKI, 25 oktyabr. TELEQRAF
ABŞ Prezidenti Donald Tramp Hərbi Hava Qüvvələrinin təyyarəsində Qətər əmiri Şeyx Təmim bin Həməd Əl Tani və Qətərin Baş naziri Şeyx Məhəmməd bin Əbdül Rəhman Əl Tani ilə görüşüb.
Teleqraf xəbər verir ki, bu barədə Əl-Cəzirə məlumat yayıb.
Trampın Cənub-Şərqi Asiya Ölkələri Assosiasiyasının (ASEAN) sammitində iştirak etməyi planlaşdırdığı Malayziyaya gedərkən təyyarəsi yanacaq doldurmaq üçün Dohaya enib. Qətərin əmiri və Baş naziriABŞ prezidenti ilə danışıqlar aparmaq üçün Air Force One-a miniblər.
Tramp həmsöhbətlərini “etibarlı müttəfiqlər” adlandıraraq, “Sizi gəmidə salamlamaqdan şərəf duyuruq” deyib. "Biz sizə minnətdarlığımızı bildiririk. Yaxın Şərq indi təhlükəsizdir və siz onu uzun müddət qoruya biləcəksiniz", - Amerika prezidenti əlavə edib.
Qəzza zolağındakı vəziyyətin Trampın Qətər əmiri və Baş naziri ilə danışıqlarının əsas mövzusu olacağı gözlənilir.
