BAKI, 27 oktyabr. TELEQRAF
Türkmənistanın Mırat Qarrıyev adına Dövlət Tibb Universiteti Xəzəryanı Ölkələrin Universitetləri və Tədqiqat Mərkəzləri Assosiasiyasının rəsmi üzvü olub.
Teleqraf xəbər verir ki, bu barədə Türkmənistan KİV məlumat yayıb.
Bildirilib ki, bu hadisə oktyabrın 16-17-də Qazaxıstanın Atırau şəhərində keçirilmiş assosiasiyanın 27-ci Baş Assambleyasında qəbul edilmiş qərardan sonra baş verib.
“Assosiasiyaya qoşulmaq universitet üçün yeni üfüqlər açır, ona Qazaxıstan, Azərbaycan, İran və Rusiyanın aparıcı institutları ilə elmi və təhsil sahəsində əməkdaşlığı genişləndirməyə imkan verir. Assosiasiyaya qoşulmaq birgə tədqiqat layihələrinin həyata keçirilməsi, təcrübə mübadiləsi və Xəzəryanı ölkələr arasında akademik əlaqələrin gücləndirilməsi üçün unikal imkan yaradır”, - məlumatda qeyd edilib.
