Rusiya gömrük rüsumlarını artırdı: 20 ildən sonra

Rusiya hökuməti 2004-cü ildən bəri dəyişməyən gömrük rüsumlarını yenidən tənzimləyib. 

1 yanvar tarixindən qüvvəyə minən yeni tariflərlə maksimum gömrük rüsumu 30 min rubldan 74 min rubla yüksəldilib. 

"Cebheinfo.az" xəbər verir ki, Sənaye və Ticarət Nazirliyinin verdiyi açıqlamaya görə, maksimum rüsumun tətbiq olunacağı idxal partiyasının dəyəri 7 milyon rubldan 10 milyon rubla qaldırılıb. Elektron məhsullar üzrə sabit gömrük rüsumu 30 rubldan 74 rubla artırılıb. Su və hava nəqliyyat vasitələri ilə şəxsi istifadə üçün olan əşyalar bu artımdan azad edilib. 

Nazirlik rəsmiləri bu qərarın son 20 ilin inflyasiya yığılmasını kompensasiya etməyi hədəflədiyini bildiriblər. Yeni tariflərin gömrük əməliyyatlarının real xərcləri ilə uyğunlaşdırılması məqsədi daşıdığı qeyd olunub. Mütəxəssislər bu artımın büdcə gəlirlərini artırmaq məqsədi daşıdığını bildirirlər. 

Eyni zamanda, xərclərdəki artımın son istehlakçı qiymətlərinə təsir edəcəyi gözlənilir. Xüsusilə idxaldan asılı olan sahələrdə qiymət artımlarının qaçılmaz olduğu vurğulanır. İqtisadçılar bu tədbirin inflyasiyaya təsirinin qarşıdakı aylarda daha aydın görünəcəyini, lakin mövcud iqtisadi şərait səbəbilə bu təsirin məhdud qala biləcəyini qeyd edirlər.