Qırğızıstan Milli Bankı əsas faiz dərəcəsini 10 faizə qaldırıb

Bakivaxti saytına istinadən ain.az xəbər verir.

Qırğızıstan Milli Bankı əsas faiz dərəcəsini 75 baza bəndi artıraraq 10 faizə çatdırmaq qərarına gəlib. 

Bakıvaxtı.az "Bloomberg"ə istinadən xəbər verir ki, müvafiq qərar Milli Bankın saytında dərc olunub.

Məlumata görə, Qırğızıstanda inflyasiya 2025-ci ilin əvvəlindən 6,2 faiz təşkil edərək illik müqayisədə 8,4 faiz təşkil edib. Ölkədə mövcud inflyasiya səviyyəsinə xarici bazarlarda enerji təchizatının məhdudlaşdırılması və xidmət sektorunun müəyyən seqmentlərində artan xərclər və davamlı güclü istehlak tələbi təsir edib.

Ölkə iqtisadiyyatına əsas kapitala investisiyalar ilk növbədə daxili maliyyə mənbələrinin genişləndirilməsi hesabına artıb və bununla da tikinti sektorunun artımına əhəmiyyətli töhfə verib. 

Qeyd olunub ki, monetar şərait ümumilikdə ölkədə makroiqtisadi sabitliyin qorunmasına kömək edir. Daxili valyuta bazarı stabil olaraq qalır. Ölkənin bank sektoru xarici risklərə davamlı olaraq qalır və milli valyutada yüksək likvidlik səviyyəsini saxlayır, iqtisadiyyatın kreditləşməsinin genişləndirilməsinə şərait yaradır.

Qırğızıstan Milli Bankı əlavə edib ki, xarici və daxili inflyasiya amillərinin qiymətləndirilməsi, eləcə də Milli Bankın perspektivli monetar siyasəti nəzərə alınaraq əsas faiz dərəcəsi 10%-ə qaldırılıb.

 Bu qərarın ortamüddətli perspektivdə 5-7% hədəf diapazonu daxilində qiymət dinamikasına töhfə verəcəyi gözlənilir. 

Qərar 2025-ci il oktyabrın 28-dən qüvvəyə minir. 

Gülşən Şərif

Daha ətraflı məlumat və yeniliklər üçün ain.az saytını izləyin.