Cənubi Koreyanın Geyongju şəhərində ABŞ Prezidenti Donald Trampın bu gün APEC Liderlər Həftəsi çərçivəsində şəhərə gəlməsi öncəsi etiraz aksiyası keçirilib.
"Cebheinfo.az" xəbər verir ki, etirazçılar Trampı Asiyadakı sənaye və əməkçiləri təzyiq altında saxlamaq üçün gömrük rüsumları və digər iqtisadi sanksiyaları təhdid vasitəsi kimi istifadə etməkdə ittiham edərək, İsrailin fələstinlilərə qarşı soyqırımına dəstək verən siyasətini də qınayıblar. Etirazçılar ABŞ Prezidentinin ölkəsinə qayıtmasını tələb ediblər.
Asiya turunun bir hissəsi olan bu səfər çərçivəsində Donald Trampın APEC zirvəsi həftəsində Cənubi Koreya Prezidenti Li Cae-myung və Çin Prezidenti Si Cinpin ilə görüşərək ticarət, gömrük rüsumları və Pekin-Vaşinqton arasındakı rəqabətin mərkəzində dayanan geosiyasi məsələləri müzakirə etməsi gözlənilir.
