Keçmiş nazirin evində axtarış aparılıb, müavini saxlanıldı

Gürcüstanın infrastruktur nazirinin keçmiş müavini Koba Qabuniya saxlanılıb.

 

Bu barədə Gürcüstan Maliyyə Nazirliyinin İstintaq Xidmətindən bildirilib.

 

Qabuniya vəzifə səlahiyyətlərindən sui-istifadədə ittiham olunur.

 

Məlumata əsasən, keçmiş infrastruktur naziri İrakli Karseladzenin evində axtarış aparılıb.

 

Qeyd edək ki, bu günlərdə Gürcüstanın Bələdiyyələrin İnkişafı Fondunun icraçı direktoru Davit Tabidze də eyni ittihamla saxlanılıb. Qabuniya fondun kuratoru olub.

 

Xatırladaq ki, Karseladze regional inkişaf və infrastruktur naziri postunu 2021-ci ilin fevralından tutub. O, rəhbərlik etdiyi nazirliyin iki müstəqil quruma bölünməsindən sonra infrastruktur naziri təyin olunub, bu ilin aprelin 24-də vəzifəsini tərk edib.

 

APA