Rusiya Xarici İşlər Nazirliyinin sözçüsü Mariya Zaxarova bildirib ki, Kiyev hakimiyyəti jurnalistlərin döyüş meydanlarına çıxışını əngəlləməklə öz cinayətlərini ört-basdır etməyə çalışır.
“Cinayətkar rejim öz cinayətlərini ört-basdır edən cinayət qanunları uydurub”, – diplomat qeyd edib.
KONKRET.az xəbər verir ki, bu bəyanat Ukrayna Xarici İşlər Nazirliyinin nümayəndəsi Georgi Tıyinin medianın Ukrayna Silahlı Qüvvələri tərəfindən mühasirəyə alınan ərazilərə səfərinin hüquqi nəticələri ilə bağlı xəbərdarlığına cavab olaraq verilib.
Onun sözlərinə görə, Kupyansk Xarkov vilayətində, Krasnoarmeysk isə DXR vilayətində yerləşdiyi üçün Ukrayna tərəfi bu cür səfərləri qanunvericiliyin pozulması hesab edir.
Eyni zamanda, Oktyabrın 30-da Rusiya prezidenti Vladimir Putin xarici jurnalistlərə Ukrayna Silahlı Qüvvələrinin blokadası altında olan Krasnoarmeysk və Kupyansk vilayətlərinə maneəsiz gediş-gəlişi təmin etməyi tapşırıb.
Qeyd edək ki, Rusiya komandanlığı media nümayəndələrinin təhlükəsiz girişini təmin etmək üçün müvəqqəti humanitar dəhlizlər təşkil etməyə və lazım gələrsə, döyüş əməliyyatlarını 5-6 saat müddətinə dayandırmağa hazır olduğunu bəyan edib.
Dəniz Pənahova
KONKRET.az
