Belarus prezidenti Aleksandr Lukaşenko bəyan edib ki, Avropa bir gün ölkənin qalan meşələri və bataqlıqlarında yaradılan təmiz havaya görə Belarusa pul ödəyəcək.
Editor.az xəbər verir ki, BelTA-nın məlumatına görə, o, bunu jurnalistlərə Berezina Biosfer Qoruğuna səfəri zamanı deyib: “Bu, bizim gələcəkdir, biz onu qorumalıyıq. Və vaxt gələcək ki, bu iylənmiş Avropa Allahın bizə verdiyi və bizim qoruduqlarımız üçün pul ödəyəcək”, – Lukaşenko deyib.
O qeyd edib ki, Avropa Birliyində bütün bunlar praktik olaraq yoxdur və külək guya orada təmiz hava şəklində Belarus “xeyirxahlığını” daşıyır: “Bunun əvəzinə, onlar bizi sanksiyalarla boğmağa başlayıblar. Bu, keçəcək və artıq keçir. Düşünürəm ki, bunun üçün bizə pul ödəyəcəkləri vaxt uzaqda deyil”, – Belarus prezidenti bəyan edib.
//Samir Qurbanov, Editor.az
