Mütəxəssislər insanların bahalı həyat yaşadığını göstərmək istəməsinin psixoloji və sosial səbəblərini araşdırıblar. Psixoloqların fikrincə, bu hal çox vaxt özünəinam çatışmazlığından və cəmiyyət tərəfindən qəbul olunma istəyindən irəli gəlir.
Far.Az xəbər verir ki, bəzi insanlar bahalı geyimlər, avtomobillər və səfərlərlə başqalarına maddi gücünü sübut etməyə çalışır. Sosial mediada lüks həyat paylaşmaq isə bu davranışı daha da gücləndirir, çünki insanlar bəyənilmə və təsdiq alma hissinə asılılıq yaradır.
Ekspertlər bildirirlər ki, bu cür nümayişkaranə davranışlar çox vaxt daxili boşluğun gizlədilməsi və "mükəmməl həyat" təəssüratı yaratmaq məqsədi daşıyır. Psixoloqlar tövsiyə edirlər ki, insanlar öz dəyərlərini maddi göstəricilərlə deyil, şəxsi nailiyyətləri və mənəvi rahatlıqları ilə ölçməyə çalışsınlar.
