Tramp administrasiyası hesab edir ki, Karib dənizində narkotik qaçaqmalçılığında şübhəli bilinən gəmilərə zərbələr endirmək üçün Konqresin icazəsi tələb olunmur.
Musavat.com xəbər verir ki, məlumatı "The Wall Street Journal" (WSJ) mənbəyə istinadən yayıb. ABŞ administrasiyasının rəsmisinin sözlərinə görə, ABŞ 1973-cü ildə qəbul edilmiş Müharibə Səlahiyyətləri Qətnaməsində göstərilən tədbirlər səviyyəsinə çatmadığı üçün Karib dənizində və Şərqi Sakit Okeanda narkotik qaçaqmalçılığına qarşı mübarizəni davam etdirə bilər. Qətnaməyə əsasən, Amerika lideri Konqres tərəfindən təsdiqlənməyincə bütün hərbi əməliyyatları dayandırmalıdır.
Rəsmi şəxsin sözlərinə görə, Karib bölgəsindəki əməliyyatlar ABŞ hərbi personalı üçün təhlükə yaratmır, çünki narkotik daşıdığı şübhəli bilinən gəmilərə ABŞ hərbi gəmilərindən uzaqda hücum edilir.
WSJ-nin məlumatına görə, həm Respublikaçılar, həm də Konqresdəki Demokratlar Tramp administrasiyasının bölgədəki gəmilərə endirilən zərbələrlə bağlı şəffaflığın olmamasından narazılıqlarını bildiriblər.
Musavat.com
