Hadisə Kolizeyə yaxın ərazidə baş verib...
Poliqon xəbər verir ki, Romanın mərkəzində, Kolizeydən bir qədər aralıda yerləşən orta əsr Konti qülləsinin bir hissəsi uçub. Hadisə şəhərin tarixi hissəsində, turistlərin sıx olduğu ərazidə baş verib.
İlkin məlumatlara görə, dağıntı nəticəsində xəsarət alan olmayıb, lakin təhlükəsizlik məqsədilə yaxınlıqdakı küçələr bağlanıb. Fövqəladə hallar xidməti əraziyə cəlb olunub və qüllənin qalan hissəsində əlavə çökmə riskinin olub-olmadığı yoxlanılır.
Konti qülləsi XIII əsrdə eyni adlı zadəgan ailəsinin göstərişi ilə tikilib və Romadakı mühüm memarlıq abidələrindən biri hesab olunur.
İtaliya mədəniyyət nazirliyi hadisənin səbəblərini araşdırmaq üçün xüsusi komissiya yaradıldığını açıqlayıb.
Poliqon.info
