ABŞ Energetika Naziri Kris Rayt bildirib ki, Prezident Donald Trampın göstərişi ilə keçiriləcək yeni nüvə silahı sınaqları nüvə partlayışlarını əhatə etməyəcək.
Rayt Fox News kanalına verdiyi müsahibədə ABŞ-ın nüvə silahı sınaqları planı ilə bağlı açıqlamalar verib.
O, planlaşdırılan sınaqlarda partlayışların daxil edilməyəcəyini vurğulayıb: “Hazırda danışdığımız sınaqları sistem sınaqları hesab edirəm. Bunlar nüvə partlayışları deyil, biz onlara kritik olmayan partlayışlar deyirik”.
Rayt əlavə edib ki, sınaqlar silahın digər bütün komponentlərini əhatə edəcək və məqsəd silahın uyğun geometrik quruluş yaratdığından və nüvə partlayışı başlatmaq üçün tələb olunan düzəni təmin etdiyindən əmin olmaqdır.
