EN
Topics
War
03.11.2025 ◦ 22:23

Zelenski: Ukrayna Berlin və Kopenhagendə silah ixracı ofisləri açacaq

Ukrayna bu il Berlin və Kopenhagendə silah ixracı və birgə silah istehsalı üçün ofislər açacaq. Ajans.az Reuters agentliyinə istinadən xəbər verir ki, bu barədə Prezident Volodimir Zelenski deyib. Kiyevdə jurnalistlərə açıqlamasında Zelenski, Kiyevin ixrac edə biləcəyi silahlar arasında dəniz dronları və artilleriya sistemlərinin olduğunu bildirib. "Bu, özümüzə satmağa icazə verə biləcəyimiz silahların birgə istehsalı və ixracıdır...", - deyə o bildirib. Zelenski əlavə edib ki, Ukrayna bu ilin sonuna qədər yerli istehsal olan Flamingo və Ruta raketlərinin kütləvi istehsalına başlamağı planlaşdırır.

O, həmçinin bildirib ki, Ukrayna nümayəndə heyəti gələn həftə ABŞ-Ukrayna dron müqaviləsi ilə bağlı əlavə danışıqlar aparmaq üçün Vaşinqtona səfər edəcək. Kiyev ümid edir ki, bu, Tramp administrasiyası ilə əlaqələri gücləndiriləcək.

Chosen
81
Ajans.az

1Sources