Banklar artan fırıldaqçılıq və çirkli pulların yuyulması riski ilə üzləşirlər.
QHT.az xəbər verir ki, interpolun məlumatına görə, maliyyə cinayətləri ilə mübarizə xərcləri artsa da, 2015–2022-ci illərdə yalnız ümumi əməliyyatların təxminən 2%-i aşkar edilib. Norveçin Strise startapı bu problemi azaltmaq üçün süni intellektlə işləyən platforma yaradıb. Sistem ictimai reyestrləri və media mənbələrini analiz edərək real vaxtda şübhəli şirkətləri və riskli əlaqələri müəyyən edir.
Bu texnologiya Müştərini Tanı (KYC) prosesini avtomatlaşdırır və sanksiyalı şəxslər, yüksək riskli ölkələr və potensial çirkli pul axınları barədə xəbərdarlıqlar təqdim edir. Strise rəhbərliyi bildirir ki, süni intellektin tətbiqi yoxlama prosesini sürətləndirir, xərcləri azaldır və cinayətkarların bank sisteminə daxil olmasının qarşısını alır.
R.İmanov
