Serbiya Superliqasının 14-cü turunda "Radniçki" komandasının baş məşqçisi Mladen Jijoviç "Mladost" klubuna qarşı matç zamanı vəfat edib.
Oxu.Az xəbər verir ki, bu barədə "Telegraf" məlumat yayıb.
Oyunun 22-ci dəqiqəsində 44 yaşlı məşqçi qəfildən özünü pis hiss edib və ehtiyat oyunçular skamyasının yanında yerə yıxılıb. Oyun dayandırılıb və təcili yardım briqadası dərhal hadisə yerinə gəlib. Qonaq komandanın baş məşqçisinə ilkin tibbi yardım göstərilib və o, xəstəxanaya aparılıb. pizza hut
Oyun bərpa edildikdən iyirmi dəqiqə sonra hakim oyunu yenidən dayandırıb və futbolçulara məşqçinin öldüyü bildirilib.
Qeyd edək ki, Jijoviç 27 dekabr 1980-ci ildə anadan olub. Oyunçu karyerası ərzində Bosniya və Herseqovina, Albaniya və Serbiya klublarında oynayıb. O, həmçinin Bosniya və Herseqovina milli komandasında da çıxış edib. Mütəxəssis oktyabrın 23-dən "Radniçki"yə rəhbərlik etməyə başlayıb. Bu, Jijoviçin məşqçi kimi Superliqadakı üçüncü oyunu idi.
Telegram kanalımız
