ABŞ-da Trampa inam reytinqi 37 faizə düşüb

ABŞ Prezidenti Donald Trampın fəaliyyətini dəstəkləyən amerikalıların faizi 37-yə enib.

 

Bu barədə CNN telekanalı SSRS tədqiqat xidməti ilə birgə apardığı sorğuya istinadən məlumat yayıb.

 

Məlumata görə, 37 faiz göstəricisi Trampın ikinci prezidentlik dövründəki ən aşağı reytinqidir.

 

Sorğunun nəticələrinə əsasən, respondentlərin 63 faizi Trampın fəaliyyətini bəyənmir.

 

Bu da onun hər iki prezidentlik müddəti ərzində ən yüksək narazılıq göstəricisidir.