Lent az portalından verilən məlumata əsasən, ain.az bildirir.
İqdırda dəyənəklərlə silahlanmış bir qrup mülki şəxs məktəbin çıxışına hücum edərək dağıntılar törədib. Hücum edənlər müəllimlərə və inzibatçılara məhəl qoymadan lisey binasına daxil olub, şagirdə gözləri önündə hücum edib və sonra qaçıblar.
Lent.az-ın Türkiyə KİV-nə istinadla xəbərinə görə, İqdırın Söğütlü məhəlləsində yerləşən İqdır Anadolu Liseyində məktəb çıxışında dəhşətli anlar yaşanıb.
Hələlik müəyyən edilməmiş səbəblərə görə, dəyənəklərlə silahlanmış bir qrup mülki şəxs məktəbə basqın edərək şagirdlərə hücum edib. Hücumdan erkən xəbərdar olan şagirdlər məktəb binasının içinə qaçıblar. Dəyənəklə silahlanmış qrup qaçan şagirdləri təqib edərək müəllimlərə və inzibati rəhbərliyə məhəl qoymadan məktəb binasına girib və bir şagirdə hücum ediblər. Bir şagird başına dəyənəklə vurularaq yaralanıb və ərazi döyüş meydanına çevrilib. Dəyənəklə silahlanmış qrup daha sonra məktəbdən tez bir zamanda çıxıb və yan küçələrə qaçmağa başlayıb.
Məktəbdə baş verən hücumun şahidi olan digər şagirdlər panikaya düşərək qaçmağa başlayıblar. Uşaqlarını götürməyə gələn və hücumun şahidi olan bəzi valideynlər qorxu anları yaşayaraq, uşaqlarının hətta məktəbin içərisində belə təhlükəsiz olmadığından və məktəblərin təhlükəsizliyə ehtiyacı olduğundan narahatlıqlarını ifadə ediblər.
Sonrakı hadisələr barədə daha çox məlumat almaq üçün ain.az saytını izləyin.
