Filippində Kalmaegi tayfunu zamanı hərbi helikopterin qəzasında ən azı altı nəfər həlak olub.
Ucnoqta.az xəbər verir ki, ABS-CBN News bu barədə hərbi rəsmilərə istinadən məlumat yayıb.
"Axtarış və xilasetmə əməliyyatları nəticəsində altı cəsəd tapılıb, ehtimal ki, onlar Super Huey helikopterinin pilotu və heyətinə məxsusdur", - deyə kanal hərbçilərdən sitat gətirib.
O, fəlakətlərin aradan qaldırılması işlərinə kömək etmək üçün ölkənin tayfun bölgələrinə gedən dörd helikopterdən ibarət qrupun bir hissəsi idi.
Hüquq-mühafizə orqanları hazırda hadisəni araşdırır və qəzanın səbəbini müəyyənləşdirir.
