2026-cı il üzrə işsizlikdən sığorta fondunun xərcləri 266,4 milyon manat ( 2025-ci illə müqayisədə 2.2% və ya 5.7 milyon manat çox) proqnozlaşdırılır.
“APA-Economics” xəbər verir ki, bu, Milli Məclisin Əmək və sosial siyasət, İqtisadi siyasət, sənaye və sahibkarlıq komitələrinin bu gün keçirilən iclasında müzakirəyə çıxarılan “İşsizlikdən sığorta fondunun 2026-cı il büdcəsi haqqında” qanun layihəsində əksini tapıb.
Məlumata görə, xərclərin 238.3 milyon manatı (2025-ci illə müqayisədə 15.5% çox) işsizlikdən sığorta fondunun növbəti il üzrə gəlirləri, 28.1 milyon manatı isə Fondun yaradılmış ehtiyatından qarşılanacaq.
