Ukrayna Prezidenti Volodimir Zelenski serbiyalı həmkarı Aleksandr Vuçiçlə telefon danışığı aparıb.
"Unikal" xəbər verir ki, Ukrayna lideri bu barədə "Telegram" kanalında məlumat verib.
Siyasətçinin sözlərinə görə, o və Serbiya lideri iki ölkənin "Avropa inteqrasiyasını əsaslı şəkildə müzakirə ediblər".
"Bir-birimizə kömək edə biləcəyimiz sahələr var. Biz həmçinin regional təhlükəsizlik sahəsində əməkdaşlıq imkanlarını müzakirə etdik. Ölkələrimiz buna eyni dərəcədə maraq göstərir və biz birlikdə çalışacağıq", - deyə Zelenski yazıb.
