Rusiya Təhlükəsizlik Şurasının sədr müavini Dmitri Medvedev bildirib ki, nüvə sınağının mümkünlüyünü qiymətləndirmək qərarı Rusiyanın ABŞ prezidentinin nüvə sınaqları ilə bağlı açıqlamalarından sonra atmağa məcbur olduğu addımdır.
Busaat.az xəbər verir ki, Medvedev Teleqram kanalında bildirib ki, Trampın Amerika lideri kimi sözləri nəticəsiz qala bilməz.
Rusiyanın müdafiə naziri Andrey Belousov Rusiya Təhlükəsizlik Şurasının iclası zamanı ABŞ prezidenti Donald Trampın açıqlamalarından sonra nüvə sınaqlarına hazırlığa dərhal başlamağı məqsədəuyğun hesab etdiyini bildirib.
Rusiya prezidenti Vladimir Putin bəyan edib ki, Rusiya hər zaman Nüvə Sınaqlarının Hərtərəfli Qadağası Müqaviləsinə ciddi əməl edib və gələcəkdə öz müvafiq öhdəliklərindən imtina etməyi planlaşdırmır.
Eyni zamanda, Putin bildirib ki, Rusiya Xarici İşlər Nazirliyi, kəşfiyyat orqanları və mülki qurumlar nüvə silahı sınaqlarına hazırlıq üzrə işlərin məqsədəuyğunluğu ilə bağlı təkliflər hazırlamalıdırlar.
Yeganə
